រមណីយដ្ឋានប្រាសាទបាសាក់ មានផ្ទៃក្រឡា៩ហិកតាស្ថិតនៅខាងជើងនិងខាងកើតទល់នឹងទន្លេវ៉ៃកូ ខាងលិចនិងខាងត្បូង​ទល់នឹងភូមិប្រជាពលរដ្ឋ គឺប្រជាជនខ្មែរភាគច្រើនមិនបានដឹងស្គាល់ឡើយ។ បច្ចុប្បន្ននេះ រមណីយដ្ឋានប្រាសាទបាសាក់ បានស្រូបយកភ្ញៀវទេសចរមកទស្សនាកម្សាន្តសប្បាយ មួយចំនួនតាមបែបផែនប្រពៃណីខ្មែរផង ការកំសាន្តសប្បាយ​ផង និង​ការសិក្សាពីវប្បធម៌-អរិយធម៌ ប្រវត្តិសាស្រ្តខ្មែរនៅក្នុងទឹកដីខេត្តស្វាយរៀងផង​។ចំពោះទីតាំងភូមិសាស្ត្រប្រាសាទ​បាសាក់នេះ គឺជាដីទួលដ៏ចំណាស់មួយមានព្រៃឈើជាច្រើនព័ទ្ធជុំវិញ។

​ រមណីយដ្ឋានប្រាសាទបាសាក់ មានទីតាំងនៅក្នុងភូមិបាសាក់ ឃុំបាសាក់ ស្រុកស្វាយជ្រុំ ខេត្តស្វាយរៀងដែលមានចម្ងាយប្រហែល៨គីឡូម៉ែត្រនៃទិសខាងកើតឈាងខាងត្បូងទីរួមខេត្ត ស្វាយរៀង (ក្រុងស្វាយរៀង) ហើយបត់ចូលផ្លូវលំបេតុងទំហំ៤ម៉ែត្រចំងាយ ៣.៨០០ម៉ែត្រទៀត។